BASURA! BAHA! TUBIG!
Pagtulod nin mga ordinansa asin mga lakdang na simbag sa tolong mayor na problema kan Naga.
Mas maray na sistema sa BASURA
- Mas mahiwas na edukasyon asin mas istriktong implementasyon kan solid waste management.
- Trash-to-cash hubs. Pagmukna nin junk-swap stations sa mga barangay kun sain pwedeng iribay ang recyclable na materyales sa pangaroaldaw na pangangaipo siring kan sabon, bagas, load, asin iba pa.
- Pagdagdag nin iskedyul sa koleksyon nin basura kaibahan na an pagmukna nin Basura Eco-Trikes Patrol sa mga barangay para sa mas tuninong, mas malinig, asin mas madalas na koleksyon nin basura.
- Digital monitoring kan mga trak na nagkokolekta kan basura asin pag-report kan iligal na pag-aapon gamit ang digital app.
Mas epektibong pagmanehar sa BAHA
- Pagsapubliko kan nahaman na sa Comprehensive Drainage and Flood Control Masterplan kan syudad asin an pagrebisar kaini kun kinakaipuhan nin huli sa grabeng pagbaha sa Naga City dara ni Typhoon Kristine.
- Smart flood warning system. Pagmukna nin barangay-based real-time rainfall and flood sensors na naka-link sa mobile app alert para sa amay na preparasyon kan mga taga-barangay.
- Pagpublikar kan mga barangay flood maps para sa mas amay na pag-ebakwar kan mga nasa barangay asin tamang interbensyon.
Bastante asin malinig na TUBIG
- Pagtulod sa paghaman kan sarong Metro-Naga Water Supply Masterplan para maasigurar an pangharaluyan na suplay nin bastante asin malinig na tubig inumon para sa lambang Nagueño.
- Pag-adbokar para sa restoration kan mga watershed areas kan Mt. Isarog.
- Pagmukna nin mga rainwater harvesting systems siring kan mga catchment tanks para sa mga eskwelahan, barangay halls, asin iba pang pampublikong pasilidades para sa tubig panlinig asin CR.
- Pagtindog nin mga Solar-Powered Deepwell Systems sa mga barangay na kulang an tubig.
